Abaana Kikulu Ebitukwatako Tuwuliziganye Ssande Sikuuru Enteekateeka za VBS myCMU: Training
Osobola!
Yadde mubeera mu ggwanga elitafuna muzira, musobola okwefuula nti kaseera ka bunnyogovu. Abaana bajja kwagala nnyo okuyingira mu nsi endala!
Sigala ng'onoonya ebirowoozo ebirala eby'okunyiriza VBS yo!
Mu mitendera mitono ddala, kyusa ekkanisa yo abaana babeere ng'abayingira mu nsi endala. Wetaaga ekibookisi, empapula oba langi enjeru okubiika ekibookisi ne ppamba alinga olugoye. Kola embalama bbiri lumu lwa buli luuyi lwa siteegi.
Tandika n'ekibookisi.
Taggulula oludda lumu olw'ekibookisi okisse ku ttaka ng'ekisenge ekimpi.
Kwasiza empapula ku ludda lwa wabweru olw'ekibookisi oba kisiige langi enjeru.
Oludda luno lwonna lusiige oba olubikke waleme kubaawo langi ya kitaka erabika.
Sibira ku kibookisi ono ppamba alinga olugoye kifaanane ng'ekigonda. Olugoye lwa ppamba wansi luleke nga lukwekweya ku ttaka okuwa ekifaananyi ky'entuumu y'omuzira.
Tekyetaagisa kubikka oludda lw'ekibookisi olwokubiri singa kiba kigenda kukozesebwa ku siteegi
Maliriza okussaako olugoye lwa ppamba okubikka oludda lwonna.
Funayo olugoye lwa ppamba olulala olunene olwale ku ttaka. Kati kwata ekibookisi ky'osabise waggulu okiwetemu nga bwe tukulaze omale okituuze ku lugoye luno. Awo ojja kulaba ekifaananyi ky'olubalama lw'omuzira
Okwongera okufuula olubalama luno olwa ddala, olugoye olwa ppamba lwe wayaze ku ttaka lusike lukweye okuva ku siteegi lukoone wansi eno abantu gye batuula.
Wano osobola okulaba olubalama lw'omuzira lwe twakola okuva mu kibookisi nga tugoberera emitendera egyo waggulu. Bannakatemba basobola okutambula mu maaso n'emabega w'olubalama okwongera okulufaananya ng'olwa ddala (3D). Kola embalama bbiri, lumu lwa buli ludda lwa siteegi.
Koona ku bifaananyi okubigezza birabike bulungi.
Zinga olupapula emirundi egiwera omale osaleko obuntundutundu ebbali waalwo. Bw'omala luzingulule okulaba obutundutundu bw'omuzira. Kola engeri endala ez'enjawulo ozitimbe okwetoloola ekkanisa. Olupapula oluwewuka lwe lwangu okukozesa naye n'empapula eza bulijjo zisobola okukola.
Tunga obupiira bwa ppamba n'akawuzi okukola obuguwa. Kati obuguwa "bw'omuzira" buno butimbe okwetoloola ekkanisa.
Kozesa bbaaluuni eziwera okutimba ku mulyango gw'ekkanisa abaana kibasoboze okwefuula nti bayingira mu nsi ey'ebyewuunyo mubiseera by'obunnyogovu.
Timba ebisenge byonna ng'okozesa empapula z'ebyemikono enjeru oba eza bbululu era otimbe obutundutundu bw'omuzira buli wamu.
Eky'emikono Ky'olusozi - Kola eky'emikono ekiriko olusozi, amakubo, emiti n'ebilala ekilaga abayizi nga bwe batambula okutuuka ku ntikko. Wandiika essira lya buli lunaku ku bifo eby'enjawulo ku kye'emikono kino kisoboze abayizi okulaba nga bwe bazze batambula okuva enteekateeka lwe yatandika mpaka ku nkomerero yayo nga batuuse ku ntikko.
Kola ensozi eza wamu n'abayizi bo. Buli muyizi azinge olupapula okukola olusozi. Kozesa ggaamu okusiba olupapula ng'omaze okuluzinga era wansi osaleyo okusobola okugolola entobo y'olusozi. Awo buli mwana aleete olusozi lwe musobole okuzigatta. Ensozi empanvu muziteekeko omuzira ku ntikko.
Kozesa ebirowoozo bino okutimba ekkanisa yo olwa VBS:
Eby'okutimba byo eby'obudde bw'obunnyogovu biteekeko ebitangalijja nga eky'okulabirako kino eky'omussajja w'omuzira.
Ebyetaagisa:
Amazzi
Ejjiiko 3 eza "borax" mu buli kikopo ky'amazzi
Endagirio:
Sigala ng'onoonya ku mukutu gwa yintaneti ebirowoozo ebirala eby'okunyiriza VBS yo!
Obutundutundu Bw'omuzira obwa Vinyl
Sitiika z'obutundutundu bw'omuzira obw'okussa ku madinisa g'ekkanisa! Funa wano engeri yabwo osabe babukukubire mu kitundu kyo oba bwekubire ku lupapula oluliko ggaamu emabega omale obusalemu.
Obutundutundu Bw'omuzira Obulengejja
Kozesa engeri zino okukolera ekkanisa yo obutundutundu bw'omuzira obulengejja.
Kola eby'okutimba ebizingulukuka nebiba ng'ebitonnya obitimbe ku siteegi ye kkanisa! Kozesa empapula eza bulijjo oba tunula ku ngeri yaffe okole ebinene ddala!